Instalazioak

Beheko solairuak funtzio soziala eta zerbitzukoa eskaintzen die auzoan bizi diren eta lan egiten duten pertsonei, alde batetik. Elkarte ekimena sustatzeko pentsatu den espazio batean datza eta auzoko dendek, establezimenduek eta auzotarren taldeek erabili ahal izango dute, herritarren eta enpresen sinergiak sustatzeko ekimenak, erakusketak eta jarduerak antolatzeko.

Hala ere, KBi DIGITALek berak antolatutako ekimenak ere garatu ahal izango dira espazio horretan, baita inkubagailuan kokatutako proiektuak eta profesionalak ere.

200 m2 inguruko lau solairu. Solairu bakoitzean 20 lagun kokatzeko adina altzari dago.

Enpresen eta proiektuen arteko lankidetza sustatzeko, instalazioak espazio irekien antzera diseinatu dira eta bertan kokatutako mahaiak eta aulkiak erabiltzaileek nahi bezala jar ditzakete. Horrez gain, solairu guztietan bilerak egiteko leku bat dago; pribatutasun handiagoa du gela horrek.

200 m2-ko azalera du solairu honek ere eta KBi DIGITALen kudeaketa egiteko lekua da. Bertan lan egiten dute inkubagailuan dauden proiektuen eta profesionalen arretaz eta jarraipenaz arduratzen diren langile teknikoek.

Era berean, bi prestakuntza gela ditu. 20 lagunentzako edukiera du bakoitzak eta prestakuntza tailerrak garatzeko beharrezkoak diren bitartekoak dituzte.

Azken solairuan espazio garbi bat dago. 80 lagunentzako edukiera du eta espazioa antolatzeko aukera desberdinak ditu; azkenik, hiriaren ikuspegi paregabea eskaintzen duten bi terraza handi ditu.

Bertan kokatutako enpresek produktuak eta zerbitzuak aurkezteko eta jardunaldiak antolatzeko espazio paregabea da, baita prestakuntza ekintzak garatzeko ere.